Fjölskylduhátíð á Hjalteyri

Laugardaginn 3. ágúst verður frábær dagskrá og mikil gleði í klifursalnum og opið frá kl. 10-18. Klifurveggurinn verður opinn fyrir frjálst klifur en einnig munum við setja upp sérstakar klifurþrautir fyrir hátíðina sem allir geta spreytt sig á og merkt árangurinn á blað sem fæst í afgreiðslunni. Það má svo skila inn blaðinu til að komast í happdrættispott sem dregið verður úr eftir helgi.

Það verður einnig í boði að prófa að klifra og síga í línu. Við erum með klifurbelti og allan annan búnað á staðnum fyrir þá sem vilja prófa. Þá verða starfsmenn á staðnum sem hjálpa til við línuklifrið.

Leiga á klifurskóm verður innifalin í aðgangseyri að veggnum (verðskrá má finna hérna á síðunni), á meðan birgðir endast.

Við biðjum foreldra og forráðamenn að vera vakandi og fylgjast vel með börnum sínum þegar það eru margir að klifra á sama tíma.

Auk klifurs verður fjölbreytt og spennandi dagskrá fyrir alla fjölskylduna á Hjalteyri allan laugardaginn. Dagskránna má finna á facebooksíðu viðburðarins.