Námskeið í ofanvaðsklifri
Námskeiðið er hugsað fyrir þá sem hafa áhuga á að læra ofanvaðsklifur og að tryggja aðra í ofanvaði. Farið er í grunnatriði í ofanvaðsklifri (e. toprope) og hentar námskeiðið vel fyrir byrjendur sem eru að stíga sín fyrstu skref í línuklifri.
Í kjölfar námskeiðsins er hægt að skrá sig í línuklifurpróf í ofanvaði. Með því að standast prófið fær próftaki línuklifurkort sem er forsenda þess að nota línuklifurvegginn okkar. Ath. með korti í ofanvaðsklifri er einungis hægt að klifra í línuklifurveggjum 600Klifur. Krafa um leiðsluklifurkort er gerð í línuklifurveggnum í Miðgarði fyrir sunnan þar sem engar línur eru í akkerum þar.
Við útvegum allan búnað svo sem klifurbelti, klifurskó, tryggingartól og fleira. Við mælum með að koma með eigin búnað og læra á hann ef þið eigið.
Námskeiðið er 2 skipti.
Kennt þriðjudag og miðvikudag
kl. 19.30 - 21.30
Næsta námskeið:
3. - 4. mars
Verð: 20.000kr.